علمتني كيف أحب علمني كيف أنسى ((سوف يكون الموضوع مغلق حتى أنتهى من القصة))

كان منظرهم رهيب

في مجلس الحريم
ريم: شو هذا الصوت
نظرت مريم من النافذة
مريم: هذيل الشباب برع يولون الله منظرهم رهيب
هند: ابى اشوف
ريم: شرايكم انشوفهم من دريشة المجلس الثاني من هناك بنشوفهم احسن
ذهبت الفتيات الى المجلس الثاني
ريم: شوفو يوسف فديته بو يعقوب يولته رهيبة من الخاطر
مريم: لا و الله خالد احلى
هند: و ينه ما شوفه
مريم: لا هو ما يول الحين انا بتصلبه و اقوله يوريكم
سارة: بصراحة يا هند انا اشوف انا احسن واحد فيهم هو سيف
ريم: منو سيف و بعدين ليش تكلمين هند بالذات شو السالفة
هند: ما ادري ساليها
سارة: هذا اللي لابس سفرة بيظة وواقف عدال يوسف, اسمه سيف و هو ربيع طلال
هند: سارة و بعدين معاج
ريم: لا والله شو السالفة علموني
سارة: بعدين
اما مريم اتصلت بخالد
مريم: انت ليش ما تيول
خالد: انتو تشوفونا
مريم: هيه
خالد: كلكم
مريم: انا و هند و سارة و ريم وميرة و عائشة
عندما سمع خالد اسم ميرة
خالد: انزين من عيوني الثنتين
عاد الى الحوش بعد ان انهى مكالمته مع مريم
خالد: يا شباب هذه اليولة مهداية لعرب زعلانين مني و اقولهم السموحة منكم بس انا كنت نص نايم
كان خالد يتكلم بصوت عالي حتى تسمعه الفتيات
مريم: و الله فديته بو وليد
ريم: شيقصد بلي قاله
ادركت ميرة انا خالد يقصدها بكلامه
ميرة..........لا و الله الحين يعتذر عقب ما كسر ايدي
هند: منو هذيل العرب مريم ساليه
مريم: لا و الله ساليه انتي
هند: مريم الله يخليج ابي اعرف بموت اذا ما عرفت
مريم: اشفيك انتي اثقلي شوي انا بساله بس ما ظنتي يقول
اثار خالد حماس الشباب
يوسف: عمر يلا اشفيك واقف
عمر: لا انا ما اعرف
طلال: يلا عاد
عمر: خلاص كبرنا
راشد: لا و الله قوم يول و انا بيول معاك
عمر: وين فيصل ما اشوفه
طلال: الظاهر انه بيدش يسلم على الخطيبة
راشد: لا هذوه واقف هناك بناديه يول معانا

سارة: ما اصدق عمر بيول

ريم: و راشد بعد
مريم: و فيصل بعد انا بسير ازقر ندى

اسرعت مريم الى مجلس الحريم
مريم: يلا قومي بسرعة
ام راشد: شو السالفة
مريم: فيصل يول برع قومي ندى يلا
ندى: شو اقوم
مريم: قبل شوي كنت تبين تقومين شو صار الحين
ندى: انزين انزين يلا

عادت مريم و ندى الى المجلس الاخر

و هنا ترك الشباب الساحة لراشد و عمر و فيصل
كانت يولتهم رهيبة و هم أللي محليينها ما شاالله عليهم
هند: فديته بو خليفة ما في مثله حتى باليولة
ريم: هيه والله ما شالله عليه عمر
مريم: ندى شوفي فيصل ها شرايج
اما ندى فكانت في عالم اخر
ندى...........ما شالله عليه هذا بيكون ريلي الله يخليه لي
ريم بينها و بين سارة: ها سارة و راشد شرايج فيه
سارة: ما شالله عيه
ريم: سارة عايشة ما تحب راشد
سارة و هي منصدمة: شو قصدج
ريم: انتي تعرفين شو قصدي , انا اعرف انج رفظتي راشد و اعرف ليش, انا كلمت عايشة و عرفت منها انها ما تحب راشد و هو مثل اخوهها
سارة: ريم انت شو قاعدة تقولين
ريم: انا ما بخليج تهدمين حياتج و حياة اخوي عسب اوهام انا سالت عايشة و من غير ما اقولها السبب و هي قالتلي انها تحب راشد مثل اخوها
سارة: ريم الله يخليج لا تجذبين علي
ريم: انا ما اجذب و الله هي قالتلي هذا الكلام
سارة: اه يا ريم انتي ما شفتي راشد يوم قلتله اني ما اقدر اخذه و الله تمنيت اموت و لا اشوفه جذي
ريم: انا بكلمه و بفهمه السالفة كلها و انتي الله يهداج ليش ما تاكدتي قبل لا تسوين اللي سويتيه
سارة: خلاص يا ريم بعدين مب الحين انا بقولج كل شي بعدين
هند: مريم اشفيها عايشة
مريم: ما ادري ما رقصت و لا قالت شي
هند: انا بسالها

اتصلت مريم بفيصل
مريم: انت وينك فيه ما بدش اتشوف حرمتك
فيصل: لازم
مريم: فيصل الله يهداك هيه لازم شو تبي البنت تقول هذا ما يبي يشوفني
فيصل: انا ما بدش اشوفها جدام الحريم ما اقدر و حصة موجودة
مريم: فيصل الله يخليك تذكر انك الحين عندك حرمة
فيصل: ما ادري شصار فيني بس شفت حصة
مريم: فيصل انت بتذبحني شل حصة من بالك علشان المسكينة اللي صارت حرمتك الحين
فيصل: هي وينها الحين
مريم: بخليها اتروح المجلس الثاني
فيصل: انزين انا بيي الحين

مريم: ندى يلا قومي انسير المجلس الثاني فيصل يبي يسلم عليج
ندى: بتمين معاي
مريم: لا
ندى: مريم حرام عليج ما اروم اتم وياه بروحي
مريم: انزين خلاص يلا
في المجلس
دخل فيصل و كانت هذه اول مرة يرى ندى جيدا فهو لم يراها من قبل الا في منزل خالته و وقتها لم يرفع نظره اليها
اما ندى فكانت تنطر الى الارض
بقيا و اقفين فيصل ينظر اليها و هي تنظر الى الارض
مريم: و بعدين بنتم جذي الريال يبي يشوف و يهج
فيصل: مبروك
ندى بصو واطي: الله يبارك فيك
مريم :لا و الله من وين يبتيه هذا الحيى
ندى: مريم
مريم: انزين انا بطلع الحين
نظرت ندى الى مريم و كانها تترجى بها الا تطلع و لكن مريم لم تلتفت اليها و خرجت
بقيت ندى و اقفة مكانها
فيصل: يلسي
جلست ندى و جلس فيصل بجانبها
فيصل: ممكن اطالعيني شوي بس
رفعت ندى نظرها الى فيصل
ندى.............اه يا قلبي و الله اني احبه
فيصل................اه يا ليت اقدر اني ما اظلمج وياي
فيصل: انزين انا بس بغيت اسلم عليج و اقولج مبروك
قام فيصل و غادر المجلس و ندى تنظر اليه و هي تكاد تبكي لم يظهر لها أي مشاعر بل كان يتكلم كمن يؤدي واجب ظلت ندى تنظر الى الباب الذي خرج منه و دموعها تنهمر
اما فيصل فكان يشعر بانه يمثل و كانه كمن يؤدي دور في مسرحية لذلك لم يستطع ان يبقى اكثر خشي انه اذا بقي قد يعترف لها بكل شي و يخبرها انه لا يحبها و انه تزوج بها لينسى حبه
عادت مريم الى المجلس لترى ندى بمفردها و دموعها على خديها
مريم: ندى اشفيج شصاير
ندى: و لا شي بس انا غبية ما قلت شي اكيد هو قال هذي مب موافقة و او ما عيبتها عسب جذي ما قالت شي و لا حتى طالعتني
مريم: الله يهداج بس هو و شافج مستحية فقال انا بخليها الحين و ما في داعي احرجها اكثر قومي غسلي و يهج اليوم لازم تظحكين ما تصيحين يلا قومي

خرجت مريم الى الخارج و لقد غادر المدوعوين و لم يبقى سوى عائلة ابو عمر, وجدت فيصل جالس في الحوش بمفرده
مريم: فيصل هذا اللي اتفقنا عليه جذي مزعل ندى و في يوم ملجتكم حرام البنية ما تستاهل
فيصل: ما قدرت يا مريم الله يخليج لا تلوميني انا بروحي متلوم من عمري بس والله ما قدرت حسيت عمري قاعد امثل , انا يالس معاها و اشوف عمري مع حصة تصدقين انتو قلتلولي انها وايد حلوة حتى جمالها ما قدرت اشوفه كنت اشوفها عادية
مريم: فيصل ارجوك حاول خلاص هذي البنت بتكون حرمتك بعد 3 اسابيع بس
فيصل : بحاول
تركها فيصل و خرج من المنزل و بقيت هي جالسة و هي تفكر في ما قال فيصل
حمدان: هلا و الله ببنت الخال شحالج مريم
مريم: هلا حمدان شحالك انت
حمدان: بخير شلي ميلسنج هني بروحج
مريم: ها لا كنت انا و فيصل بعدين هو طلع
لم يكونا يعرفان ان هناك شخص ينظر اليهما الا ان اقترب هذا الشخص منهما

عمر: السموحة منكمحمدان : هلا عمر عسى ما شرعمر: الشر ماييكمريم.........دام انت ييت اكيد في شركانت تنظر اليه و هو ينظر الىحمدانعمر: انت بو الاصول كلها بس مب حلوة تيلسون هني بروحكمشعرت مريمبرغبة في صفعه و لكنها تمالكت اعصابها و لكن ما اثار غضبها اكثر ما قالهحمدانحمدان: هيه معاك حق بس......
مريم: قبل لا تقول أي شي يا حمدان ابي عمريعرف ان احنا ما كنا يالسين بروحنا انا كنت يالسة مع فيصل و بعدين هو طلع و شافنيحمدان و يى يسلم و انا اعر ف بالاصول و كنت بدخل داخل قبل لا تي انتكانت تتكلمو تنظر الى عمر بتحدي ثم تركتهم واقفين و دخلت الى المنزل و هي ترتجف و لا تعرف كيفاتتها الجراة لتقول له هذا الكلاميوم الجمعةفي منزل ابو عمرعلى مائدةالافطارابو عمر: اليوم عمكم بو راشد عازمنا على الغدا عندهم ما ابى حد يقول انهمشغولام عمر: بتصلون هنيابو عمر: لا بنصلي الجمعة عندهم زهبو اعماركمطلال: يدتي و عايشة ما بسيرون وياناام عمر: اكيد بيسيرونهند: يمى شوكانت خالتي ام ابراهيم تقولج البارحة بالملجةام عمر: كانت تسالني عن مريموهنا نظر عمر الى امه ليسمع ما تقولهسارة: انزين شو كانت تسالجام عمر: تبيتعرف اذا كانت مخطوبة او لاسارة: لا تقولين تبي تخطبها حق ابراهيمام عمر: لا ابراهيم مالج على بنت عمه تبي تخطبها حق حميدطلال: هذي ينت اكيدام عمر: عيب تتكلم جذي عن الحرمةطلال: يمى حميد هذا صايع و كل بوظبي تعرف عنسواياهام عمر: الريال ما ينعاب و هذا كلام جديم الحين هو تغيرهند: يمى حرامعليج حتى اذا كنت ما تحبين مريم شلون ترظين انها تاخذ واحد مثل حميدعمر: و اميليش تكره مريمام عمر: انا ما اكرها و بعدين مب انا اللي اقرر منو هي بتاخذ ,عمجبو راشد الله يطول بعمره هو اللي يقررهند: بس اكيد خالتي بتاخذ رايج اذاتقدملهاو هنا لم يعد عمر قادر على الاستماع اكثرعمر: هند سكري على السالفةو لا تخافين حميد هذا ما بياخذ مريميوسف: و انت ليش متاكد جذيعمر: متاكد وخلاصقام عن المائدةعمر: انا باخذلي دش وبسير الشركة و بلحقكم انشاللهامعمر: يمى شقلنا احناعمر: ما بتاخر يمىطلال: هند اتصلي بيدتي و قوليلهاتزهب عمرها انا بمر عليهم و بوصلهم

في منزل ابو راشد
في غرفة مريم
ريم: الحين انتي اشفيج من البارحة وانت زعلانة
مريم: انا مب زعلانة انا مقهوره
ريم: و ليش انشاالله
مريم: الحين بسالج سؤال اذا ولد خالتي مايد قعد يتامر عليج و يقولج شو تسوين و ما تسوين شو بيكون شعورج
ريم: و لد خالتج و على أي اساس هو بيتدخل فيني و هو ما يصيرلي شي
مريم: ها انزين و على أي اساس ولد خالتج يتامر علي
ريم: منو قصدج ليكون قصدج عمر , عمر غير
مريم بعصبية: و ليش غير ابي افهم
ريم: هذا عمر تدرين شو يعني عمر
مريم: لا ما ادري
ريم: ريال بمعنى الكلمة و حشيم و يخاف علينا و اللي يقوله دايما صح و انا اقول يا حظ اللي بتاخذه
مريم: و يوسف
ريم: يوسف هذا قلبي و لكن يوسف نفسه يحسب لعمر الف حساب و يحترمه و يعتمد عليه
مريم: ريم عمر ماله شغل فيني انا تعبت من تدخلاته
ريم: صار شي غير سالفة داماس
مريم: ريم انا ما كنت ابغي اقول بس انا خلاص تعبت
ريم: قولي
اخبرتها مريم عن ما حصل يوم ملجتها و ما حصل بالشركة
ريم: انزين الريال خايف عليج
مريم: بذبحيني انتي اقولج قعد يهازب فيني و حسسني اني بنت قليلة ادب و اني كنت قاصدة اطلع من دون عباه و اني كنت و اقفة و مستانسة و انا اكلم الموظف جدام باب الشركة
ريم: مريم انا احس انج ما تحبينه من البداية قبل لا تصير هذي الامور
مريم: انا ما خبي عليج اني كنت و انا صغيرة اخاف منه و كنت اقول يارب ما يكون عندكم لما كنت ايي بيتكم و ما تدرين شكثر كنت مستانسة يوم سافر يدرس برع و قعدت 4 سنوات ما شفته
ريم: و الله انج ظالمتنه الريال ما يقصد بس هو يخاف عليج و اكيد ابوي موصيه عليج
مريم: و ليش ابوي بيوصيه علي
ريم: ابوي يخاف عليج لانه يعرف ان خالتي الله يرحمها كانت تخاف عليج و ما تخليج تطلعين بروحج او مع ربيعاتج علشان جذي انتي ما تعرفين شلون تتصرفين مع الغرب
مريم: انا ما نكر انه امي كانت وايد تخاف علي بس انا مب لهذي الدرجة ما افتهم
سمعوا صوت سيارات تدخل المنزل
نطرت ريم من النافذة
ريم: هذي سيارة عمي بو عمر و هذي سيارة يوسف فديته و الله حتى سواقته غير
مريم:هاهاها لا شلون غير ليكون يسوق بحلجه
ريم: لا والله, وين طلال ما شوفه و حتى عمر
مريم......انشالله ما ييي

في منزل ام سالم
طلال:شلون يعني ما تبي تيي
ام سالم: و الله يا وليدي من الصبح وانا كلمها و قلتلها عمج بو راشد بيزعل بس هي تقول انها تعبانة
طلال: اذا تعبانة بوديها الطبيب
ام سالم: ما طاعت
طلال: يدتي شهل الكلام هي و ينها فيه انا بكلمها
ام سالم : بحجرتها
طلال: قوليلها طلال يبي يكلمج
اما عائشة فكانت في حالة سيئة و هي تتذكر ما سمعته من هند ان طلال يرى انها من دون شخصية و لا جمال لذا قررت عدم الذهاب الى منزل ابو راشد حتى لا تراه
و بينما هي في افكارها سمعت

ام سالم: عاشة فتحي الباب طلال يبي يكلمج
عايشة........لا و الله ما اقدر ما اقدر اشوفه
عايشة:يدتي قوليله تعبانة
و هنا سمعت
طلال: اذا كنتي تعبانة بوديج الطبيب
بمجرد سماعها صوته لم تحتمل و بدات بالبكاء ,
طلال: عايشة فتحي الباب
لكنها لم تجب مما اثار خوف طلال
طلال: عايشة فتحي الباب
ام سالم: شفيها ليش ما ترد
طلال: عايشة فتحي الباب او بكسره
و هنا ادركت عائشة انه جاد بكلامه فحاولت ان تمسح دموعها بسرعة و ترتدي حجابها و فتحت الباب
و ما ان راها طلال و راى اثار الدموع في عينيها شعر برغبة في ضمها الى صدره ليحسسها بالامان و يقول لها ان لا احد في هذا الكون يستطيع ان يؤذيكي طالما انا حي اما هي فما ان راته حتى بدات بالبكاء مجددا و كلماته التي سمعتها من هند تتردد في راسها(مالها شخصية و مب حلوة)
ام سالم: يا بنيتي اشفيج ليش تصيحين
طلال: لبسي عباتج خليني اوديج الطبيب
عائشة بصوت متقطع من كثرة البكاء: انا ما فيني شي بس مالي بارظ اسير سيرو انتو
طلال: اذا ما فيج شي ليش تصيحين
عايشة.....لاني عرفت اني ما اعنيلك شي
عايشة: عندي صداع باخذ بندول و ارقد
طلال كان يشعر ان الموضوع اكبر و لكنه لم يشأ ان يزيد الامر عليها
طلال: انزين خذي البندول و قومي معانا شلون بتمين بروحج
عائشة و قد زاد بكائها : طلال الله يخليك ما ابى اطلع الله يخليك
عادت الى غرفتها و اغلقت الباب و ارتمت على سريرها تبكي
ام سالم: خلاص يا وليدي خليها و روح انت
طلال:و انتي انا ما بطلع اذا ما ييتي
ام سالم : انزين انزين يلا
في منزل ابو راشد
هند و سارة و ريم و مريم في المجلس
ريم: وين عايشة و يدتي
هند: طلال بييبهم
سارة: ما قلتولي شو راي فيصل بندى اكيد طاح بس شافها
ريم: ما ادري بس اكيد عيبته. تعالي هني انتي البارحة قلتلي بتقوليلي عن سالفة هند و هذا سيف
هند: الحين انتو سويتوها سالفة
مريم: الظاهر انه في خيانة بالموظوع أي سالفة
اخبرتهم سارة عن ما حصل بين هند و سيف في المارينا و كيف ابتسم لها عندما كان في منزلهم
ريم: و الله انه جريء و ما خاف انه حد من هلج يشوفه
هند: ساليه
سارة: والله انه شيخ هذا الريال بس لو تسمعون طلال وهو يمدح فيه
ريم: يعني اذا تقدملج بتوافقين
هند: وع طبعا لا
سارة: لا والله وليش
هند: تكلمنا بالسالفة و قلتج انه مب عايبني , مريم قومي ابيج بسالفة
ريم: احسن بعد لاني ابي سارة بسالفة

ذهبت مريم و هند الى غرفة مريم
هند: طفرتبيه وهي تتكلم عن سيف هذا
مريم: بصراحة هو ما ينعاب انا شفته البارحة وهو يول و سمعت البنات وهن يتكلمن عنه و يتغزلن فيه
هند: حتى انتي يا مريم انتي تعرفين اني احب خالد

مريم: و اخرة هذا الحب وياج هو مب حاسس فيج
هند: انا الغلطانة اللي قلتلج
مريم: هند فكري بالعقل شوي و انسي موظوع العواطف هذي, خالد اخوي و احبه اكثر من أي شي في العالم كله, و ما بيلاقي احسن عنج, بس هو ما يحبج و لا عمره حسسج انه مهتم فيج
هند: مب بايدي يا مريم والله مب بايدي حاولت اني انسى الموظوع بس مب قادرة

في المجلس
ريم: انا بكلم راشد اليوم
سارة: شو بتقوليله
ريم: بقوله انه يحب وحدة غبية كانت تبي تهدم حياتها و حياتك عسب اوهام
سارة: بتقوليله عن عايشة
ريم: طبعا بقله لازم يعرف ليش انتي رفظتيه
سارة:متى بتكلمينه
ريم: مستعيلة
سارة: كل ما فكر انه زعلان مني و هو محسب اني ما احبه احس عمري بموت
ريم: الله يسامحج بس, انزين ليش ما تكلمينه انتي
سارة: انا
ريم: هيه انتي قوليله و فهميه ,انا الحين بزقره و انتي كلميه
سارة: ما بروم بتم اصيح و ما بيفهم مني شي
ريم: هل كثر تحبينه
سارة: الله وحده بس يعلم شكثر احبه

في مجلس الحريم
ام راشد و ام عمر و ام سالم
ام راشد:الله يهداج بس يمى و شلون خليتيها اتم بروحها بالبيت
ام سالم: ما طاعت سألي طلال و انا ما كنت ابي ايي بس طلال لزم
ام عمر: انا بكلمها بس نرد
ام سالم: ما ادري شسوي معاها والله غامظتني هل البنية
ام راشد: يمى عايشة ما فيها شي ليش تقولين جذي
ام سالم: ما حد تقدملها الحين هي 20 سنه و ما حد تقدملها
ام عمر: يمى بعدها صغيرة و البنية حلوة
ام سالم: البارحة حريم كانو يسالون عنها و بس درو انها بنت بنتي يعني بنت خلف حامد تغيرت
ويوههم , يعني منو بتاخذ لولدها و حدها ابوه مدمن و حرامي و لا بعد بالسجن
ام راشد: يمى انتي لا تقولين هذا الكلام جدامها
ام سالم : و شلون اقول تبيني اجتلها بس انا ادري انها تعرف

نزلت الفتيات الى حيث تجلس الحريم
ريم: يمى يوعنا
ام راشد: عمر بعده ما يى
ام عمر: انزين خلاص خلينا نتغدى الظاهر انه بيتاخر
ام راشد: لا و الله بننتظره هذا عمر الاكل مب حلو من دونه
مريم..........والله اني مب عارفة ليش تحبونه جذي
ام عمر: يلسوا لين ما يي
دخل الرجال الى المجلس
رات سارة راشد و لكنه اشاح بنظره عنها تمالكت نفسها حتى لا تبكي
يوسف: شحالج خالتي
ام راشد: بخير من شفتك تعالي ايلس عدالي
طلال: لا و الله و انا
ام راشد: و انت فديتك تعال ايلس على الجنب الثاني
خالد: انا بليس بين يدتي و خالتي دام امي مب معبرتني

ام عمر: تعال فديتك
ام راشد: انا ما ادري انتو متى بتعقلون اللي فاعماركم عيالهم يلعبون بالشارع
خالد: ردينا يبى تطمن انا ما بعرس
صدمت هند لكلام خالد و نظرت الى مريم , و نظرت مريم اليها و كانها تقول لها :ما قلتلج
ام راشد: لا و الله بتعرس غصب عنك
خالد: هاهاها حلوه
ام راشد: انا ما اتغشمر
خالد: اذا كانت البنية مثل اللي في بالي انا موافق
و بدا خالد يتذكر منظر ميرة و هي في غرفته و شعرها على كتفيها
خالد: الساعة الحين ثنتين و نص نبي ناكل
ام راشد: ما حد بياكل قبل لا يي عمر
طلال: اكيد هذا عمر لو كنت انا مب مشكلة كليت و لا عني ما كليت
ام عمر: ايه هذا عمر و لي مب عايبه هذا اليدار
طلال: افا يرظيك جذي يابو عمر
ابو عمر: هيه دام السالفة فيها عمر
طلال: ويهي و يهي طاح
ابو راشد: سمعوني كلكم عيالنا و نحبكم بس عمر هذا غير
مريم.......حتى انت يبى
دخل عمر الى المجلس
خالد:لا ما صدق هل القمر
عمر: السلام عليكم
الجميع: و عليكم السلام
خالد: احس انك تكون قاصد
عمر: قاصد شو
خالد: يعني انت تعرف ان احنا ما بناكل قبل لا تيي و مع جذي تتاخر
عمر: هيه اكون قاصد
كان عمر يبحث بنظره عن مريم
اما مريم فكانت تحاول ان لا تنظر اليه
خالد: عمر و يى يلا قوموا
ام راشد: اشفيك انت مب ما كل من شهر
خالد: يمى انا و راي شغل ابي اكل و اسير
ام راشد: اليوم الجمعة
خالد: ادري يلا يمى او بسير اكل بمطعم
بعد الغداء
سارة: شفتي شلون مب قادر يطالعني حتى, ريم دخليج كلميه
ريم:انزين انا بكلمه الحين

ذهبت ريم الى المجلس
ريم: راشد ابيك بسالفة
يوسف: و انا ما تبيني
ريم: بعدين
يوسف: راشد تكلم ورد بسرعة
راشد: و ليش انشاالله
يوسف: ياخي حرمتي و انا حر فيها
ريم: يوسف حبيبي بعدين
راشد: هيه اشفيج انا و اقف هني
يوسف: ليش هي شو قالت البنية تعبر عن مشاعرها تكلمي فديتج ما عليج منه
راشد: تبيني احلف انكم ما تعرسون قبل سنه
يوسف: و ليه ما صارت هذي كل و احد يتحكم انزين حبيبي السموحة منك الشيخ و اذا ما تبيني اكلمها بعد انا موافق

ذهب راشد مع ريم الى غرفتها
راشد: شو السالفة
ريم: سارة
تغيرت ملامح راشد
راشد: ريم..
ريم: اسمعني سارة مب بس تحبك هي تموت عليك بس السالفة طويلة و يبالها تسمعني و تحاول تفهم
راشد: و ليش هي ما تقولي
ريم: لانها بتم اتصيح و انت ما بتفهم منها شي
راشد: ريم شو السالفة
ريم: قبل فترة عايشة قالت لسارة انهم قايلين انك بتاخذ عايشة , سارة حسبت ان عايشة تحبك علشان جذي تغيرت معاملتها لك لانها ما كانت قادرة تبين جدام عايشة انها تحبك. البارحة بس درت ان عايشة تحبك مثل اخوها
راشد و هو منصدم: الحين تبين تقوليلي ان كل العذاب اللي كنا عايشين فيه عسب اوهام
ريم: هيه للاسف هذي هي السالفة
راشد: و هي ليش ما كلمتني شلون هنت عليها تخليني جذي مب عارف راسي من ريولي و انا قاعد افكر انا شو سويت و ليش هي زعلانه مني
ريم: راشد هي معذورة , سارة تحب عايشة و ما تبي تجرحها اكثر و ما كانت تقدر تقولك ان عايشة تحبك
راشد: و انا يا ريم انا شو ذنبي اتعذب جذي
ريم: راشد الموظوع انتهى
راشد: لا ما انتهى
ريم: شتقصد
راشد: انا مب لعبة بايدها متى ما بغت تحبني و متى ما بغت ترميني وتقولي ما اقدر اخذك
ريم: راشد حرام عليك انت ما شفت حالتها شلون كانت و لين الحين
راشد: لا يا ريم انا احب بس يوم احس اني حبي على حساب كرامتي بجلع قلبي من صدري و بدوس عليه بريولي هي ما كلفت عمرها تتاكد من مشاعر عايشة قبل لا تجرحني و ترفظني
اما سارة فكانت و اقفة خلف الباب و استمعت لكل كلمة قالها راشد و حتى عندما سمعت الباب يفتح لم تستطع ان تتحرك من هول الصدمة
و ما ان رات راشد حتى ركضت مسرعة الى غرفة مريم و هي تتمنى الموت
في شركة المقاولات في مكتب عمر

عمر و صديقه احمد
احمد: الحين انت ما تقولي اشفيك
عمر: ما فيني شي و الله يخليك يا احمد اللي فيني مكفيني
رن هاتف عمر
عمر: الو
خلفان: الو هلا استاذ عمر معاك خلفان
عمر: ها علمني
خلفان: اسمه فهد علي عمره 25 سنه
عمر: معرس و لا خاطب
خلفان: مب معرس و لا خاطب
عمر: انزين شلون شغله
خلفان: لا ما عليه كلام الريال
عمر بعصبية: انزين انزين ابيك بشغلة و ما بي حد يعرف عنها
خلفان: انت تامر
عمر: ابيك تراقبه
خلفان بدهشة: اراقبه شلون يعني
عمر: تراقبه داخل الشركة تشوفه و ين يسير مع منو يتكلم بس داخل الشركة و ابيك تعلمني بكل شي في وقته

خلفان: انشاللهاحمد: شو السالفة و منوهذا اللي تبي تراقبه و انت اصلا مع منو كنت تتكلمعمر: هذا خلفان مسؤول شؤونالموظفين في شركة الاعلاناتاحمد: ومنو هذا اللي تبي تراقبهعمر: موظفعندياحمد: اتشك انه يسرقعمر: لا احمد مب الحين بعدين بتعرففيجامعة زايدريم: سارة راشد كان متظايج عسب جذي بس قال اللي قالهسارة: راشدما بيسامحنيريم: اتصدقين انا تعبت منكم اثنيناتكم انتو تحبون بعظ ليش تسوونجذيسارة: ريمريم: سمعيني زين انا ما بتم واقفة جذي و اشوفكم و انتمقاعدين تخربون حياتكم بيدينكماليوم انتي بتين بيتنا رظيتي و لا ما رظيتيبتيلسون مع بعظ و تحلون كل شيسارة: و اذا هو ما رظىريم: مب كيفهفي شركة الاعلانات مريم تتحدث على الهاتف مع هندمريم: انزين انتيما كلمتيهاهند: و الله يا مريم هي ما رظت تقول انا ما ادري شو السالفةمريم: انزين انا اليوم قبل لا اروح بيتنا بمر عليها و الله هذي عايشة غامظتني احسها و ايدكتومة و ما ترظى تتكلمهند: هي و ايد حساسةمريم: انزين بخليج الحين ما ادريشفيه الكمبيوتر مالي مب راظي يشتغلهند: انزين مع السلامةمريم: كمبيوتري مب راظي يشتغلليلى: انزين الحين انا بتصل بقسم الصيانةيشوفونهالعنود : لين تتصلين فيهم و ايون بتكون الساعة 10 فليلليلى: لو فهدهني كان بيصلحهالعنود : انزين شرايكم نكلمهليلى: انا بكلمهذهبت ليلىالى قسم البرمجة , ثم عادت الى المكتب و معها فهدفهد: السلام عليكمشحالكمالعنود و مريم: و عليكم السلامالعنود: شحالك استاذ فهدفهد: بخيرها عسى ما شرمريم: ما ادري شفيه كمبيوتريفهد: انزين انا بشوفهالحينبدا فهد يحاول اصلاح الكمبيوترليلى: ها بشرفهد: لا المشكلة مب منالكمبيوتر الظاهر انها من وصلة الكهربا نفسها انا الحين بقولهم يبيون و حدةثانيمريم: مشكور ما قصرت واللهفهد: العفو ما سويت شي انزين انا الحين بروحتبون شي ثانيليلى: لا مشكور اخوي

بعد ان غادر فهد
ليلى: و الله انه شيخ هالريال
العنود: هيه و الله ما شاالله عليه
ليلى: الله يحفظه و يخليه لهله

في الهاردوولز عمر و احمد يتناولون الغداء
رن هاتف عمر
عمر: الو هلا خلفان
خلفان: هلا
عمر: شو السالفة
خلفان: اليوم طلبوه بقسم التصميم عسب في عندهم اجهزة خربانة
عمر بغضب: لا و الله و هو شو دخله الحين قسم الصيانة شفايدته موظفين و ياخذون رواتب
خلفان: ما ادري استاذ هم طلبوه
عمر: مين اللي طلبه
خلفان: ما ادري بالظبط بس هو طلب اغراظ حق موظفة اسمها مريم بقسم التصميم
لم يعد عمر يحتمل اكثر
عمر: انزين
اغلق الهاتف و هو يكاد ينفجر
احمد: عمر شفيك
عمر:انا بروح
احمد: بس انت ما كليت
عمر: ما ني مشتهي مع السلامة

في الهافانا
راشد و فيصل يتناولون الغداء
راشد: الحين هذا شكل واحد ملجته كانت قبل يومين و بيعرس عقب 3 اسابيع
فيصل: راشد انا تعبان ما ادري اذا كان اللي قاعد اسويه صح ولا غلط
راشد: هذا الكلام ما منه فايده الحين انت الحين عندك حرمة
فيصل: اه يا راشد و الله ما حد غامظني بالسالفة كلها الا هي ما الها ذنب بس والله مب بايدي
راشد: شوف انا ما بيلس اذكرك بالكلام اللي قلتله لك بس تبي نصيحيتي عقب العرس خذ حرمتك و سافر و اطلع من هذا الجو
فيصل:و انت شو بتسوي ,راشد لا تسوي مثلي انا لوكان عندي احساس واحد بالمية انا حصة تحبني كثر ما سارة تحبك انا ما كنت بخليها و كنت مستعد انتظرها 50 سنه
راشد:
فيصل: راشد لا تخرب حياتك بيدك صدقني بتندم

في منزل ام سالم
مريم: عايشة انت مب طبيعية لج كمن يوم
عايشة: مريم تدرين انا احس جني قاعدة اموت شوي شوي
مريم: شهل هالكلام بسم الله عليج
عايشة: انا احب
مريم: و الله و انا اعرفه و لا لا
عايشة: هيه تعرفينه و بتستغربين
مريم: قولي
عايشة: طلال
مريم بدهشة: طلال
عايشة: هيه طلال مستغربة صح
مريم: انا مستغربة لاني عمري ما توقعت انج تحبينه يعني ما كان ينبان عليج
عايشة: لا انتي مستغربة شلون وحدة مثلي تحب واحد مثل طلال

مريم:شو قصدج
عايشة: هو متعلم و مب أي تعليم معاه ماجستير و ما شالله عليه و سيم و ابوه ريال معروف و له مركزه و انا مب حلوه و مب متعلمه و ابوي مسجون
قولها لهذا الكلام دفعها الى البكاء
لم تعرف مريم ما تقول فعائشة تبكي بحرقة وهي لا تنكر انا ما قالته صحيح احتضنتها مريم
مريم: عايشة حبيبتي كلامج مب صحيح و الله انج قمر انتي ما شفيت شلون الحريم تخبلن عليج يوم الملجة
عايشة: مريم انا مب غبية هيه يبون يخطبوني بس لما درو اني بنت خلف السالفة تغيرت بس انا ما يهمني غير طلال و الله اني احبه بس هو يشوفني مب حلوة و ما عندي شخصية
مريم: منو قالج هذا الكلام
عايشة: انا سمعت هند يوم قالتلج اااااااااااه يا مريم و الله احس اني قاعدة اموت
لم تعرف مريم ماذا تقول فاي أي شيء ستقوله لن يغير من حقيقة ما قاله طلال فان كان هذا رايه بعايشة فلا امل لها معه
مريم: عايشة........
عايشة: لا تقولين شي انا تعودت و الله تعودت على الزعل احس عمري اصلا نسيت شلون استانس
تمنت مريم لو ان طلال امامها لكانت صفعته علو وجهه

بعد ان هدات عائشة تركتها مريم و ذهبت الى منزل عائلة ابو عمر لرؤية هند

في منزل ابو راشد
ريم وسارة في غرفة ريم
سارة: وينه للحين ما يى
ريم: ما ادري يمكن مع ربيعته
سارة: والله اذبحها و اذبحه
ريم:هاهاهاها والله انج مب هينة
سارة: انا كنت بظيعه من ايدي مرة ما اقدر اظيعة مرة ثانيه
سمعوا صوت سيارة بالخارج
ريم: يمكن هذا هو
نظرت ريم من النافذة
ريم: لا هذا خالد
سارة: ريم الساعة الحين 9 هو يتاخر جذي بالعادة
ريم: راشد اول واحد يرد البيت ما ادري بتصلبه اشوفه
اتصلت ريم براشد
ريم: الو
راشد: هلا
ريم: انت وينك فيه
راشد: بالشركة خير في شي
ريم: لا بس يعني متى بترد
راشد:بعد نص ساعة بطلع من الشركة
ريم: انشالله انزين لا تتاخرمع السلامة
راشد: مع السلامة
اغلقت الهاتف
سارة: ها وينه في
ريم: بعده بالشركة
سارة: بس انا ما اروم اتاخر اكثر عن جذي
ريم: نامي عندنا
سارة: لا ما اقدر هيه صحيح وين مريم
ريم: عندكم كلمت امي و قالتلها بتمر بيتكم

في ابوظبي مول

سيف و صديقه علي
سيف: ما ادري اخاف اذا ما طلبتها الحين يطلبها حد ثاني قبلي
علي: تبي نصيحتي انت كلم طلال وقله عن السالفة
سيف: اخاف اخسره اذا رفظوني
علي: وليش بيرفظونك ما شالله عليك ريال و ما عليك قصور
سيف: انزين شو اقوله
علي: قله انك تبي تخطب اخته
سيف: لا و الله الحين هو بيحسب اني قاعد اتكلم عن الكبيرة
علي: انت قله انك تبي الصغيرة قله ان اخت ربيعك تعرفها وهي قالتك عنها
سيف: ما ادري مب حلوة اطلب الصغيرة يا ربي شو هالمشكلة احس عمري كل يوم اتعلق فيها اكثر
علي: و الله طحت و لا حد سمى عليك
سيف: هي و الله طحت
علي: انزين شرايك اقول لاختي تكلمها و تعرف رايها
سيف: شو بتقول
علي: بتقول لها انك تبي تخطبها
سيف: ما اعرف اخاف ترفظني
علي: ترفظك الحين احسن عن ترفظك جدام اهلها و اهلك

في منزل ابو منصور
ندى: الحين انتي ما تقوليلي هذي البقعة الزرقا على ايدج شلون صارت
ميرة و هي تنظر الى يدها: الحين هي لهذي الدرجة واظحة
ندى: لا ابدا بس اللي يشوفها يقول هذي واحد ظاربها بعصا
ميرة: و الله ان ايده اقوى من مليون عصا
ندى: شو قلتي
ميرة: ها و لا شي
ندى: ميرو شو السالفة علميني
ميرة: ما ادري اخاف تهازبيني
ندى: اذا ما قلتي بذبحج
اخبرتها ميرة ما حصل
ندى: ويه عل فشلة الحين الريال شو بيقول
ميرة: لا و الله الحين انا اللي ايدي متعورة و انت خايفة على شعوره و الله اني حسيت ايدي بتنكسرمب ايد هذي اللي عنده تقولين دبابة
ندى: قولي ماشالله عن تحسدين الريال
ميرة: بس هو الصراحة غاوي
ندى: لا والله بس اكيد مب احلى عن فيصل
ميرة:ما ادري بس يخرع والله انا بس شفته قلبي طاح بريولي قلت الحين بيذبحني
ندى: و انتي الله يهداج ليش ما شفتي اذا في حد اول قبل لا تدشين
ميرة: مريم قالتلي ما في حد بعدين المكتب مجابل الباب وانا سيدا سرت للمكتب بدون ما طالع الشبرية. بس هو بعدين اعتذرلي
ندى: لا والله و شلون
ميرة: قبل لا يول قال هذي اليولة اهداء لعرب زعلانين مني و انا اقولهم اني كنت نص نايم
ندى: لا والله انزين تيبن نصيحتي اللي صار وياج انسيه جنه ما صار
ميرة: ندى انا ما كنت ابي اقول انتي اللي لزمتي و بعدين انا ما افكر بالسالفة
ندى: هذا خالد غير عن فيصل وراشد اطباعه غير و حياته غير ,مريم كانت دايما تقولي عنه هو وايد عصبي ولا عصب ما يروم عليه حد , هو غاوي و وسيم بس ماشالله عنده مثل ما يقولون مغامرات عاطفية
ميرة: انا مب معجبه فيه انتي ليش تقولين هذا الكلام
ندى: ميرو انا اعرفج زين
ميرة: انزين بس الحين مريم هي اللي قايلتج ان اخوها مال بنات و ما ادري شو
ندى: لا حبيبتي البنات عندنا بالجامعة قايلينلي ووحدة من اللي كان يعرفهن عندنا بالجامعة

في منزل ابو عمر
في غرفة هند
مريم: يعني بسالج سؤال وقولي الصراحة
هند: الله يستر من اسالتج
مريم: الحين لو انتي ما تحبين خالد و تقدملج سيف بتوافقين
هند: ما ادري و ما يهمني لاني احب خالد
مريم: هند تبين نصيحتي خالد انسي موظوعه
هند: مريم ليش صار شي هو قايلج انه يحب
مريم: ظحكتيني خالد و يحب ما تركب حبيبتي خالد ما يعترف بشي اسمه حب
هند: مريم ليش تقولين جذي خالد طيب
مريم: هيه طيب و محترم و يحب اهله بس مب مستعد انه يحب انت تدرين شو ندى قايلتلي عنه
هند: ندى و هي شعرفها
مريم: بنات عندكم بالجامعة لما عرفوا انها بتاخذ فيصل سلطان قالولها هيه اخو خالد سلطان
وحدة منهم كانت تكلمه بالتيليفون ووحدة ثانية........
هند:خلاص مريم كافي ما ابى اسمع
مريم: هند انا احبج كثر ما احب ريم و علشان جذي انا ابيج تعرفين انج قاعدة تحبين واحد اخر اهتمامته انه يحب او يعرس هو زين انا اعرف واعرف انه عمره لا سكر ولا زادت علاقته مع أي بنت عن التيليفون ا و انه يطلع وياها بمكان عام بس صدقيني هو ماله بسالفة العرس
هند: مريم انا احبه من زمان السالفة مب هينه ما اقدر انساه جذي بسهولة
مريم: شوفي انا قاعدة اقولج هذا الكلام علشان تعرفين راسج من ريولج
هند: ليش ما قلتي هذا الكلام من قبل , ليش الحين
مريم: انا ما كنت اعرف انه يعرف بنات قبل لا تقلي ندى و الله لو كنت اعرف ما كنت بخبي عليج
سمعت مريم صوت سيارة
مريم: هذا الدرويل مالنا , هند الله يخليج فكري زين باللي قلته , فكري بعقلج مب بقلبج

نزلت مريم الى الاسفل وعند الباب الخارجي للفيلا
عمر: مريم
التفت لتجد عمر واقف و كان يبدو غاضبا
مريم............شيبي هذا الحين
مريم: هلا
عمر: بقول كلامي مرة وحدة و ما بعيده
لم تفهم مريم ما يقصد نظرت اليه و هي تشعر ان طريقة كلامه لا تبشر بخير
عمر: والله و انا ما احلف بالله جذب اذا دريت انه هذا اللي اسمه فهد يى مكتبج او كلمج او حتى سلم عليج لكون معرفه منو هو عمر خليفة
كان يتكلم و نظره مثبت عليها و هي تشعر بغضبه . بقيت تنظر اليه للحظات تحاول ان تستوعب كلامه و قبل ان تقول أي كلمه
عمر: الدرويل ينطرج و الوقت تاخر
توجهت الى السيارة وهي بحالة صدمة شديدة تحاول ان تستوعب ما سمعته

في منزل ابو راشد
سارة: لا انا ما اروم اتم اكثر لازم اسير البيت تاخرت وايد و الدرويل صار له ساعة ينطر تحت و امي حرقت تيليفوني من كثر ما اتصلت فيني
ريم: انزين خلاص باجر بتين بيتنا و بنتكلم
سارة: مع السلامة
ريم: مع السلامة فامان الله

بعد نصف ساعة وصل راشد الى المنزل
ريم: هذي النص ساعة اللي اتفقنا عليها
راشد: شو السالفة انتي ليش تبيني ايي
ريم: سارة كانت هني و...

راشد: انزين شوفي انا بكلمج بصراحة انا باجر بطلب سارة من عمي بو عمر
ريم: قول والله
راشد: والله
ريم: انزين شكان له داعي الكلام اللي قلته البارحة وخليت البنية تزعل
راشد: كنت ابيها تحس فيني و شلون كلامها ذبحني عسب تحرم تسوي فيني جذي مرة ثانية
ريم: حرام عليك البنية كانت على اعصابها و الله انها تحبك
راشد: وانا اموت عليها بس لا تقولينلها شي انا اللي بكلمها باجر
ريم: الله اخوي رومانسي

دخلت مريم الى المنزل

ريم: مريم تعالي عندي لج خبر بمليون ريال
مريم: هيه والله نفسي اسمع اخبار حلوة
ريم: راشد بيطلب سارة من عمي بو عمر باجر
مريم: قولي والله مبروك حبيبي
و احتضنته مريم و قبلته
راشد:هاهاهاها ما كنت اعرف انكم تنبون تفتكون مني هالكثر
ريم: لا بس انا ما صدق ان سارة بتكون مرت اخوي
مريم: و الله لو اعرف ايبب جان يببت قلت لخالتي اذا ما قلت انا ابي اقولها
راشد: لا بعدني
مريم: خالتي فيصل يبى خالد تعالوا بسرعة
راشد: اشفيج انتي بتخرعيهم الحين
ابوراشد: خير
ريم: ما بنقول لين كلكم تيون
ام راشد: يلا قولي كلنا هني
مريم: راشد يبي يطلب سارة باجر من عمر بو عمر
ام راشد:لووووولييييييييييييييش
مريم:هاهاها
خالد: مبروك بو سلطان تستاهل والله
فيصل: مبروك
ابو راشد: يعني خلاص عزمت
راشد: هيه يبى اذا انتو موافقين
ام راشد: اكيد موافقين
ابو راشد: على بركة الله يا وليدي
راشد: بس ها ما ابيها تعرف انا اللي بقولها
ام راشد: مثل ما تبي

في منزل ابو عمر
في المجلس
ابو عمر: وين طلال بعده ما رد البيت
ام عمر: لا بعده ما رد ما ادري هذا الولد متى الله بيهداه
و هنا سمعا صوت
هند: يمى يبى لحقوا علي سارة طاحت و ما ترد علي
اسرعوا الى الغرفة ليجدوا سارة على الارض دون حراك
ام عمر: يمى سارة اشفيج
دخل عمر الى الغرفة ليرى سارة على ارض الغرفة, حملها ووضعها على السرير
هند: اشفيها ليش ما ترد
عمر: ييبي عطر
احضرت هند زجاجة عطر قربها عمر من انف سارة , بدات سارة بالتحرك و لكنها لم تكن قادرة على فتح عينيها

ابو عمر: خلنا نوديها المستشفى

في المستشفى الساعة 2 صباحا
ام عمر: ها يا وليدي ما قالو شو السالفة
عمر: بعدهم يمى انزين شرياج ترتاحين شوي انتي و انا بس اكلم الطبيب بعلمج
ام عمر: لا انا ما بتحرك من مكاني طلال وينه
عمر: يمى هو كلمني و انا قلته يتم بالبيت مع هند
ابو عمر: ويوسف
عمر: يكلم طبيب يعرفه هني
ابو عمر: و ليش ما يخلونا ندش نشوفها
عمر: يبى شلون بدشون والطبيب بعده عندها, يبى الله يخليك انتو سيرو يلسو في غرفة الاستراحة وانا بس اكلم الطبيب بعلمكم
ذهب كل من ابو عمر و ام عمر الى الاستراحة
خرج الطبيب من الغرفة
عمر: ها بشر
الطبيب: الفحص الاولي يقول ارهاق و قلة نوم بس انا بسوي شوية فحوصات
عمر: يعني نقدر ندش الحين
الطبيب: هي مب مشكلة بس بعد نص ساعة بنسويلها الفحوصات

الساعة8 صباحا
في المستشفى
عمر: ها دكتور
الطبيب: فقر دم
عمر: فقر دم
الطبيب: هي و حاد بعد يعني انا ما ادري شلون هي كانت قادرة توقف او تمشي من دون ما اطيح
ام عمر: هي ظعيفة بس انا ما كنت اعرف انه الظعف ها عسب فقر دم
الطبيب: فقر الدم ماله علاقة بالظعف او المتن ممكن الواحد يكون متين و عنده فقر دم بس هي الظاهر انها ما تعتني بنفسها و ما تاكل اكل مفيد عل العموم انا بعطيها شوية فيتامينات و نظام غذائي لازم تتقيد فيه
ام عمر: يعني هي تقدر ترد البيت
الطبيب: انا افضل انها اتم لين باجر على الاقل بنسويها فحوصات ثانية
ابو عمر: مشكور يا وليدي ما تقصر

يوسف: يمى انتي ما لاحظتي انها ما تاكل مثل قبل
ام عمر: يا وليدي هي ما تتغدى في البيت هي تتغدى بالجامعة و انا ما اعرف هي شو تاكل هناك و على العشا تقول مب مشتهية او تعشيت
عمر: انزين خلينا ندش نشوفها
دخلو الى الغرفة
ابو عمر: جذي يا سارة تخرعينا عليج
احتضنها ابو عمر و قبل راسها
ام عمر: جذي كل ما سالتج كليتي بالجامعة تجذبين علي و تقوليلي هي
سارة: يمى انا كنت اكل
عمر: عيل ليش الطبيب يقول انج ما تاكلين و انه عندج فقر دم حاد
سارة: فقر دم
عمر: هي فقر دم
يوسف: انا بكلم عمي بو راشد
ابو عمر: ماله داعي تعلمه
يوسف: يبى هو اتصل فيني و انا ما رديت عليه
عمر: اكيد يبي يعرف ليش ما حد فينا سار الشركة
ام عمر: خلاص قولوله هو بيعرف الحين او بعدين
سارة كانت تفكر في راشد و ما ستكون ردة فعله عندما يعلم

عدل سابقا من قبل في 2008-02-07, 17:02 عدل 1 مرات

اتصل يوسف بابو راشد و اخبرهبالموضوعو اتصلت ام عمر بام راشد و اعلمتهافي منزل ابو راشدريم: يمى وهي شلونها الحينام راشد: زينه بس الطبيب يقول انها اتم بالمستشفى عسب يسولوهافحوصاتريم: قلبي عليك يا راشد يوم قرر يتقدملها اطيحام راشد: راشد للحين مادرىريم: ليشام راشد: هو في دبي من الصبح و انا قلت لابوج ما يعلمهريم: يكون احسن بعد اخاف لو درى يي من دبي بسرعة 200 كيلو بالساعةام راشد: ما كنتاعرف انه يحبها هالكثرريم:عيني بعينج يام راشد اصلا لو انتي ما تعرفين جان مارحمتيه و تميتي تكلمينه بسالفة العرس بس انتي تعرفين انه يحبها عسب جذي ما كنتيتكلمينه وايد بسالفة العرسام راشد: هذا راشد حبيبي اذا انا ما حس فيه منو بيحسبس انا ما كنت اعرف انه يحبها هالكثرريم: انزين هو متى بيرد من دبيام راشد: بيتغدى هناك و بيكون هني على الساعة 4 العصرريم: انزين يمى احنا ما بنسيرالمستشفىام راشد: ابوج قال انه بيخلص كمن شغلة و بعدين بيمرنا انتي ما عندجمحاظرات اليومريم: الساعة 4 العصر و الحين الساعة 10 بعده في وقت , هيه صحيحوين مريمام راشد: سارت الشركة قبل لا تعرف

في شركة الاعلانات
رن هاتف مريم و هي في مكتبها
مريم: الو
ندى:هلا انت وينج فيه
مريم: بالشركة
ندى: يعني ما سرتي المستشفى
مريم باستغراب: وليش بسير المستشفى
ندى: انت ما عرفتي
مريم: ندى قولي شصاير قلبي صار بريولي
ندى: سارة طاحت وودوها المستشفى
مريم: شو من متى هذا الكلام
ندى: من البارحة
مريم: بس انا طلعت من البيت و ما حد قالي انتي شلون دريتي
ندى: اتصلت بريم اسالها متى عندها محاظرات و هي قالتلي
مريم: وانا ليش ما حد قالي
ندى: مريم ما بغوا يظايجونج
مريم: انزين انا بسير المستشفى الحين بكلم ابوي و اقله يخلي الدرويل يمرني
ندى: انا و امي وميرة بنسير بعد شرايج نمر عليج
مريم: انزين انا بكلم ابوي و برد عليج

في المستشفى الساعة 12 ظهرا
وصلت مريم وندى وميرة وام منصور و توجهو الى الغرفة و عندما اقتربو من الغرفة كان كل من فيصل و يوسف يقفان خارج الغرفة
ما ان رات ندى فيصل حتى بدات ترجف فهذه اول مرة تراه منذ يوم الملجة
مريم: ندى اشفيج

ندى: ها ولا شي
مريم: هي طبع شفتيه الحين ما حد يروم يكلمج
ندى: مريم يوزي عني الله يخليج
ام منصور: مريم الظاهر في رياييل داخل
مريم: خالتي انا الحين بكلم فيصل واقوله انكم تبون ادشون اتسلمون على سارة
توجهت مريم الى حيث يقف فيصل الذي كان غير منتبه لهم
مريم: فيصل
فيصل: هلا انتي شلون ييتي
مريم: انا ييت مع خالتي ام منصور و ندى
فيصل: وهم وينهم في
مريم: هناك
نظر فيصل الى حيث اشارت مريم و راى ندى التي ما ان نظر اليها حتى ارتبكت لانها كانت تنظر اليه وهو يتكلم مع مريم اشاحت بنظرها عنه لتخفي ارتباكها
مريم: بتم واقف هني ما بتسير اتسلم عليهم
توجه فيصل اليهن
فيصل: هلا خالتي شحالج
ام منصور: بخير الله يسلمك يا وليدي
فيصل: شحالج ندى
ندى و دون ان تنظر اليه: بخير الله يسلمك
فيصل: السموحة منكم بس في الغرفة عمي بوعمر و طلال و لد خالتي انتو يلسو هني لين يطلعون
ام منصور: مسموح يا وليدي

في هذه الاثناء دخلت مريم الى الغرفة
سلمت مريم على سارة و على ام عمر و خالتها و هند و ريم و ابو عمر وطلال الذين كانو بالداخل
مريم: يعني انا ابي افهم انتو ليش ما قلتولي
ريم: احنا ما درينا الا عقب انتي ما سرتي الشركة
دخل يوسف الى الغرفة
يوسف: يبى خالتي ام منصور هني و تبي ادش اتسلم على سارة
خرج ابو عمر و طلال من الغرفة

ندى: ما تشوفين شر انشالله
سارة: الشر ما ييج
ام منصور: شخبارج يا بنيتي انشالله بخير
سارة: بخير الله يسلمج
مريم: الطبيب ما قال شو السالفة
ام عمر: ما تاكل عندها فقر دم
مريم: اكيد هند هي اللي تاكل اكلها
هند: لا والله

مريم: ريم ابيج بسالفة
خرجت مريم و ريم من الغرفة
ريم: شو السالفة
مريم: راشد وينه
ريم: بعده ما درى
مريم: لين الحين
ريم: هو بدبي و امي ما بغت تقوله لين يرجع
مريم: يكون احسن بس هو لو درى بيتلوم من عمره بيحسب انه هو السبب
ريم: انزين هو السبب راشد و سارة متزاعلين عسب جذي هي ما كانت تاكل
مريم: انتي من صجج تتكلمين
ريم: هيه بس لا تقولين لحد و انشالله السوء التفاهم اللي امبيناتهم بينحل

و بينما هما تتكلمان خرجت ميرة من الغرفة
ميرة: ابي ماي
مريم: ميرو انت كم عمرج
ميرة: 18
مريم: اللي يشوفج يقول هذي عمرها 10 سنوات
ميرة: لا والله ليش حبيبتي
مريم: انزين تعال وياي عسب اقولج ليش

دخلت ريم الى الغرفة و ذهبت مريم و ميرة لشراء ماء
و بينما هما واقفتين عند ثلاجة الماء
سمعت مريم صوت احدهم خلفها يناديها نظرت و اذا به خالد الذي ما ان راى التي تقف مع مريم حتى ادرك انها ميرة و كيف ينساها و صورتها لا تفارق راسه منذ ثلاثة ايام اما ميرة ما ان راته حتى ابتعدت
مريم: هلا بو وليد
خالد وهو يحاول ان لا ينظر الى ميرة: شخبار سارة
مريم: بخير الحمدلله , في حريم داخل بس عمي بو عمر و طلال ويوسف و فيصل قاعدين بالاستراحة, هي صحيح ما عرفتكم على بعظ خالد هذي ميرة اخت ندى , ميرة هذا خالد اخوي
خالد: شحالج
كان خالد يتمنى ان يسمع صوتها و لكنها خيبت امله و اكتفت بان توميء براسها دون ان تقول شي , تركهم خالد و توجه الى الاستراحة
عادت مريم و ميرة الى الغرفة

في الغرفة
ام منصور: ما عليج شر انشالله احنا بنسير الحين يمى ندى اتصلي بالدرويل
غادرت ام منصور وندى وميرة المستشفى

الساعة 4:30 عصرا
في المستشفى
اتصلت مريم براشد
مريم: انت وينك فيه
راشد: توني داشش بوظبي انتي وينج فيه
مريم: شوف انا بقولك شي بس انت لا تخاف هي بخير الحين و يمكن يرخصونها من المستشفى اليوم
راشد: انت عن منو تتكلمين
مريم: سارة البارحة طاحت وودوها المستشفى بس هي....
راشد: سارة
مريم: راشد حبيبي و الله انها بخير و ما فيها شي و اذا انت مب مصدقني تعال وتاكد
اغلق راشد الهاتف دون ان يرد عليها
كل ما يشعر به هو تانيب الضمير لقد لامها على ما حصل ثم حاول ان يلقنها درسا دون ان يدرك حجم العذاب الذي تعيش به
وصل الى المستشفى و ما ان دخل الى المستشفى اتصل بريم
راشد: ابيج بخدمة
ريم: آمر
راشد: ابي اكلمها و نكون بروحنا
ريم: انزين الحين انا و خالتي و امي ومريم وهند عندها بالحجرة , هند و مريم مقدور عليهم بس
خالتي و امي , تدري شلون بقولهم نسير نشرب قهوة بالاستراحة و انشالله يقتنعون
بقي راشد ينتظر على اعصابه , بعد 10 دقائق اتصلت ريم به
ريم: تم
راشد: الله لا يحرمني منج
توجه راشد الى الغرفة وعند باب الغرفة
راشد: هووود هووود

ادركت سارة انه صوت راشد عدلت حجابها و جلستها و لكنها لم تقوى على الكلام شعرت ان صوتها مخنوق
بقي راشد عند الباب
راشد: يعني ادش و لا اطلع
سارة و هي تحاول الا تبكي: ما في حد بالحجرة غيري
راشد: ادري بس انا ابي اكلمج
سارة و هي تمسح دموعها : تفظل
دخل راشد الى الغرفة وما ان راى اثار التعب على وجه سارة بقي واقف مكانه و هو ينظر اليها و هو يحاول الا يبكي لرؤيتها بهذه الحالة اما سارة فبدات دموعها تسقط رغم منها
راشد: فديت قلبج يالغالية لا تصيحين يا ليته كان فيني و لا فيج
شعر برغبة ان يجلس بجانبها و يمسك بيدها و لكنه تمالك نفسه . كلامه و تعابير وجهه دفعتها الى بكاء مرير
راشد: الله يخليج لا تصيحين ان جان لي خاطر عندج لا تصيحين لا انا و لا مية واحد مثلي يستاهلون انج تسوين بروحج جذي
غطت سارة و جهها بيديها
راشد: سارة حبيبتي
ما ان قال راشد كلمة حبيبتي حتى رفعت سارة نظرها اليه و هي لا تصدق ما تسمع
لاحظ راشد دهشتها
راشد: هي حبيبتي و قلبي بعد شوفي انا الحين بطلبج من عمي بو عمر
سارة و هي تمسح دموعها : ليش الحين يا راشد يعني عسب اني.........
راشد: لا تكملين و الله و ربي يشهد علي اني كنت بطلبج اليوم من عمي بوعمر و اذا مب مصدقة سالي ريم و ابوي و امي ساليهم كلهم انا سرت دبي اليوم و انا مقرر بس ارد ايي بيتكم انا و ابوي و اطلبج. سارة يكفي احنا تعذبنا بما فيه الكفاية الله يخليج ما ابي اظيع من عمري اكثر و انا قاعد انطر
بقيت سارة صامتة لحظات وهي تحاول ان تتمالك نفسها و تتمالك ما يختلج بصدرها من مشاعر مختلفة
راشد: سارة
سارة: لبيه
راشد: فديت ها الصوت والله
ابتسمت سارة
راشد: هيه ابتسمي الله لا يحرمني منج
دخلت ريم الى الغرفة لتراهما وهما يبتسمان
ريم: ها بشرو
راشد: بكلم عمي بوراشد
ريم: و اخيرا الحمدلله مبروك
راشد: الله يبارك فيج

الساعة 8 مساءا في منزل ابو عمر
عادت سارة الى المنزل
في مجلس الرجال
راشد: عمي انا ابي اطلب سارة
طلال: انت من صجك تتكلم
عمر: شهل السؤال البايخ
ابو عمر: اذا سارة موافقة انا موافق انا ما بلاقي احسن عنك يا وليدي
في مجلس الحريم
ام عمر: الله يوفقهم انشالله
ام راشد: ما تدرين شكثر انا مستانسة الحمدلله
ريم: الله سارة بتصيرين حرمة اخوي
هند: لا والله وانت ليش مستانسة انتي نسيتي انج بتعيشين هني عندنا و سارة بتعيش عندكم
ريم: اتصدقين اني نسيت
هند: وين يوسف يسمعج
ريم: لا الله يخليج كله الا يوسف
ام عمر: وين عايشة

الجدة: في المطبخ
ام عمر: وشو تسوي في المطبخ
هند: يمى قالت انها تبي تغرف العشى مع الخدامات
ام عمر: لا والله يمى سيري ازقريها

في المطبخ
دخل طلال الى المطبخ ليطلب من الخدم ان يقدمو العشاء و لكنه فوجيء برؤية عائشة في المطبخ تعمل مع الخادمات و هي تبدو منهمكه بالعمل
طلال : انتي شو تسوين هني
التفت عائشة لترى طلال ينظراليها بغضب
عايشة: مثل ما تشوف اغرف الاكل
طلال: لا والله و هذيل شو وظيفتهم
عايشة: ما فيها شي اذا ساعدتهم
طلال: غسلي ايديج و طلعي من هني
استغربت عائشة من ردة فعل طلال و بقيت واقف مكانها
طلال: ابي افهم انتي شو تسوين بالمطبخ اتصدقين مب انتي الغلطانة هم الغلطانين لي خلوج اادشين المطبخ
عائشة: طلال هذا الكلام ما له داعي ما حد طلب مني ادش المطبخ وهند قعدت ساعة وهي تقنعني ما دش بس انا لزمت
طلال: اتصدقين انا لو قعدت مليون سنه عسب احاول افهم انتي شلون تفكرين ما بقدر افهم
وهنا شعرت عائشة بجرحها يفتح ولم تعد قادرة على الاحتمال اكثر الا يكفي ما قاله بل ان يزيده بقوله انها لا تحسن التفكير بدات ترتجف و دموعها تتساقط
عائشة: مشكور اول شي انا مالي شخصية و مب حلوة والحين ما افتهم مشكور ما قصرت

خرجت من المطبخ و هي تشعر انها لم تعد تحتمل اكثر تاركة طلال في حالة من الذهول و بينما هي خارجة رات هند
هند: عايشة اشفيج
لكن عائشة اسرعت خارجة من البيت و توجهت الى منزلهم
خرج طلال من المطبخ
هند: طلال انت مزعل عايشة
طلال: هند انتي قلتيليها اني قايل عنها مب حلوة و ماعندها شخصية
هند: لا والله ليش انا خبلة علشان اقولها جذي
طلال: انزين هي شلون عرفت
هند: شو تقول انها تعرف
طلال: هي وينها فيها
هند: سارت بيتهم
طلال: شو وانتي شلون خليتيها تسير
هند: طلال شو السالفة
لكن طلال لم يجب هند
اما عائشة فاسرعت الى غرفتها و بكت بمرارة
عايشة........ليش يا ربي والله اني احبه يا رب دامنه ما يحبني طلع محبته من قلبي
في اليوم التالي
في منزل ابو راشد
ريم: ها يمى متى بتكون الملجة
ام راشد: ما ادري بس انا اقول تكون عقب عرس فيصل ما فينا الحين نرتبش بملجة راشد و احنا مرتبشين بعرس فيصل
ريم: احسن بعد يعني سارة بعدها مريظة تبيلها ترتاح شوي
ام راشد: ما تدرين شكثر انا مستانسة و الله كنت انتظر يوم بيعرس راشد و الحين الحمدلله .
ريم: الحين مب باقي غير خالد الله يهداه بس و يفكر بسالفة العرس شوي
ام راشد: خالد والله ما ادري هذا الولد متى بيعقل
ريم: تبين نصيحتي خالد ما بيعرس الا اذا انتي خطبتليه يعني شو فيله وحدة و تمي فوق راسه لين يقتنع

ام راشد: تبيني اييب بنت العرب وظلمها معاه
ريم: ليش يمى خالد مب شين
ام راشد: فديته لا مب شين بس له بسالفة البنات
ريم: ليش يمى انتي حد قايلج شي
ام ارشد: ذاك اليوم كنت مارة من يم حجرته جان اسمع صوت تليفونه يرن دشيت الحجرة و لقيته نايم رديت على التليفون جان اترد وحدة علي , و تقولي وين خالد قلتها منو انت جان تسكر التليفون بويهي و مرة ثانية دشيت الميلس جان اسمعه يكلم وحدة و قاعد يتفدى فيها بعد
ريم: يمى ليش ما تكلمينه
ام راشد: والله استحيت ريال شطوله شعرظة اقعد اهازب فيه واقوله جذي عيب و ما ادري شو و المشلكة ابوج اذا درى بيعصب
ريم: قولي لراشد يكلمه او فيصل
ام راشد: انا اللي خايفة منه ان السالفة تكون اكبر عن تليفونات انا خايفة يكون يطلع و ياهن او حتى استغرف الله , و الله ما ادري شقول
ريم: يمى قولي لراشد يكلمه و يشوف شو السالفة وياه
ام راشد: اتصدقين لولا هذي السالفة انا كنت ابي اخطبله هند بنت خالتج بس الحين ما اقدر اخاف ياخذها و بعدين يلعوزها بسواياه

في جامعة زايد
هند تجلس مع صديقتها اسما في كافتيريا الجامعة
اقتربت منهم فتاة اسمها ميثة تعرفها هند و لكن معرفة سطحية
ميثة: السلام عليكم
هند و اسما: و عليكم السلام
ميثة: هند لو سمحتي بغيتج بسالفة
استغربت هند فعلاقتها بميثة لا تتعدى السلام
قامت هند و جلست مع ميثة على طاولة اخرى
ميثة: انا بدش بالسالفة ربيع اخوي اسمه سيف اللي هو ربيع اخوج و سيف طلب مني اكلمج عسب هو يبي يخطبج بس هو يبي يعرف رايج قبل لا يكلم هله
هند: و ليش ما كلم طلال
ميثة: اذا انتي ما وافقتي بيكون في زعل بينه وبين طلال و هو ما يبي يخسره عسب جذي هو يبي يعرف رايج اذا انت موافقة هو بيكلم طلال و اذا انتي ما وافقتي هو ما بيكلمه
اعجبت هند بقرار سيف فهذا يدل على انه شاب جيد و يحب اخوها طلال حقا ولا يرغب بان يخسر صداقته
لم تعرف هند بما تجاوبها
هند: بصراحة السالفة يبالها تفكير
ميثة: سيف ريال ما ينعاب و هو بحسبة اخوي, ما شالله عليه اخلاق و التزام و الريال شاريج و هو مب مستعيل يعني خذي وقتج و فكري
هند: انزين انا بفكر بالسالفة

استغربت هند من نفسها فهي لم ترفض كما قالت لسارة و مريم عندما سالوها اذا تقدم لك سيف , شيء ما جعلها تعطي نفسها فرصة للتفكير بالموضوع ربما ما قالته لها مريم من ان خالد لا يفكر بالارتباط و ان لديه علاقات

اتصل علي بسيف ليخبره برد هند
سيف: ها بشر
علي: بصراحة ما ادري شقولك
سيف: يعني رفظت
علي: سيف هذا مب اخر بنت في غيرها وايد و انشالله بتلاقي احسن عنها بعد
سيف و هو مكتئب: انت ما حبيت عسب جذي تقول هذا الكلام
علي: انا اتغشمر معاك يالخبل اشفيج جلبت السالفة دراما
سيف و هو يكاد يطير من الفرح: انت من صجك تتكلم يعني هي وافقت

علي: لا وافقت ولا رفظت بس هيتبي تفكر بالسالفةسيف: انزين متى بترد عليعلي: اثقل على الرز يستوي و بعديناذا هي قالت تبي تفكر يعني هي موافقة بس هي ما يتقول انا موافقة جي على طولسيف: اذا تمت السالفة على خير لك مني اللي تباه

في منزل ابو منصور
مريم و ندى وميرة في حجرة ندى
مريم: انا مب مصدقة انج بتعيشين ويانا والله وناسة
ندى: وانا بعد
ميرة: مب انتي قايلة انكم بتعيشون بروحكم
مريم: لا مب الحين ابوي الحين قاعد يبني 3 بيوت عدال بيتنا علشان خواني لما يعرسون هو يقول انه جذي احسن عسب ياخذون حريتهم ويا حريمهم بس هم بتمون ويانا لين تخلص البيوت
ندى: شخبار سارة
مريم: ليش انا ما قلتج , راشد طلبها من عمي بو عمر و الملجة عقب عرسكم انشالله
ندى: و الله مبروك والله سارة تستاهل كل خير
مريم: الحين ريم بتعرس بالصيف و انتي و فيصل عقب اسبوعين و راشد بيعرس بالصيف بعد ما باقي غير خالد الله يهديه بس
كانت ميرة تود ان تسال مريم عن خالد وهل هو كما قالت لها ندى و لكنها لم تستطع حتى لا تعتقد ندى او مريم انها مهتمة به و لكنها غير قادرة ان تنزعه من تفكيرها
ندى: ميرو وين رحتي
ميرة: ها لا بس انا قاعدة افكر ان العرس باقيله اسبوعين ولين الحين ما يبت فستان
مريم: انتي من صجك تتكلمين لين الحين
ميرة: ما في وقت افصل و سرت اكثر من مرة السوق ما عيبني شي
ندى: انتي ما يعجبج شي الفساتين تارسة السوق
ميرة: لا والله و انا ما بييب أي فستان هذا عرس اختي الوحيدة ولازم اكون اكشخ وحدة
مريم: انزين الساعة الحين 7:30 ليش ما نسير السوق
ندى: شلون بنسير امي عندها عرب
مريم: الدرويا بودينا
ندى: بروحنا
مريم: بشوف اذا خالتي و الريم بيسيرون ويانا
اتصلت مريم بام راشد و اتفقت معها على الذهاب و معهم الريم
في منزل ابو راشد
ام راشد: ريم يلا يمى تاخرنا على البنيات
وهنا دخل خالد الى المنزل
خالد: السلام عليكم وين سايرين
ام راشد: السوق
خالد: ليش يمى انتي خليتي شي بالسوق ما يبتيه
ام راشد: خلود يوز عني
خالد: افا يام راشد الحين انا خلود هذا الطول والعرظ و تزقريني خلود
ام راشد: وبتم خلود لين تعرس
ريم: يمى يلا انا جهزت
خالد: وانتي بعد سايرا الظاهر اني بتم بروحي و ين مريم
ام راشد: مريم تنطرنا في بيت عمك بومنصور بتسير ويانا هي و البنات
ادرك خالد ان امه تقصد ندى وميرة وهو لن يضيع فرصة لرؤية ميرة
خالد: يمى شرايج اوصلكم انا ما ابي اتم بالبيت بروحي

ام راشد: لا انا اخاف اركب وياك بسيارتك هذي و انت تسوق بسرعة مليون كيلو
خالد: افا يمي سيارتي مب عايتنج بعدين لا تخافين ما بسوق بسرعة
ام راشد :انزين يلا يلا احسن بعد عسب تمشي انت ويا خواتك تراني ما اروم امشي 20 ساعة لين ما يعيبهن شي

في منزل ابو منصور
مريم: يلا الظاهر انهم وصلو
خرجت الفتيات الى الخارج
مريم: هذا خالد
صعدت الفتيات الى السيارة وعيون خالد تبحث عن ميرة التي جلست خلف الكرسي المجاور للسائق
في السيارة
ام راشد: ميرة انتي باي صف
ميرة: انا ثانوية السنة
ريم: ها نبي نسبة ترفع الراس انا اعرف انج شاطرة
كان خالد يستمع الى نقاشهم و هو يتمنى ان يطول حتى يسمع صوت ميرة اكبر قدر ممكن
خالد......يالله شو سوت فيني هذي البنية
وصلوا الى المول
بدات الفتيات بالتنقل من محل الى محل( من دون ان يعجبهن شيء)
اما خالد فكان في عالم اخر و لم يكن ينظر الى الفتيات بالمول كما يفعل عادة بل كان مركزا على ميرة
ام راشد: سمعوني انا ما روم امشي اكثر
مريم: خالتي بس هند بعدها ما اشترت
ام راشد: يمى خالد سير مع البنات انا ما فيني
خالد.........الف طلب مثل هالطلب
ريم: انا بعد تعبت ان بيلس وياج يمى
ذهب خالد مع مريم و ندى و ميرة
دخلت الفتيات الى احد المحلات , وبينما خالد في المحل راى جاسم صديقه فخرج ليسلم عليه
ميرة: شرايكم بهذا الثوب
مريم: صراحة وايد حلو
ندى: يلا عاد هذا حلو يلا يبيه
ميرة: انزين خلاص بيبه
دفعت ميرة ثمن الثوب
ميرة: انا بسير باريس غاليري اييب شوية اغراظ
ندى: ميرو احنا تعبنا انتي ما تتعبين
ميرة: انزين انتو سيرو قعدو وانا بسيرالمحل وبرد بسرعة
ذهبت مريم و ندى الى حيث تجلس ام راشد ريم اما ميرة ذهبت الى باريس غاليري
انتبه خالد بينما هو واقف مع صديقه ان ميرة ذهبت باتجاه و مريم و ندى ذهبتا الى حيث تجلس والدته . دخلت ميرة الى المحل و كان بمقدور خالد ان يراها من حيث يقف
جاسم: انت وين رحت لي ساعةا كلمك
خالد: لحظة
لاحظ خالد ان هناك شابين تبعا ميرة و هما يقفان في المحل دون ان يفعلا شيء. دخل خالد المحل بينما كانت ميرة تسال البائعة عن بعض العطور, وقف خالد بجانبها, التفت ميرة لتجد خالد يقف بجانبها
خالد: خلصتي
استغربت ميرة من خالد
ميرة: هيه بس بحاسب
عندا همت ميرة بفتح حقيبتها لاخراج النقود , فوجئت بخالد يفتح محفظته و يدفع
ميرة: ماله داعي اخوي انا بدفع
خالد: مب حلوة و انا و اقف يمبج انتي اللي تدفعين
اعطى خالد البائعة النقود و اخذ الكيس
ميرة كانت مستائة جدا من تصرف خالد
ميرة.......مين يحسب عمره هذا

و لقد قررت ان تعيد له ما دفع
عند باب المحل
خالد: سيري يلسي و ياهم وانا الحين بيي
مد بيده الكيس و لكنها لم تاخذه منه
ميرة: انا ما باخذه لين تاخذ مني الفلوس
خالد بغضب: انا ما باخذ شي و بتاخذين الكيس
ميرة: لا والله و شلون بتغصبني بعدين انت باي حق ادش وراي المحل وتدفع عني بعد
خالد: انا دشيت وراج المحل عسب ما تكونين بروحج لاني لاحظت انه في اثنين ملاحقينج و ما فيها شي اذا دفعت عنج
ميرة: انا مب وحدة من هذيل اللي تعرفهم انا ما اخذ من حد ما اعرفه شي اذا ما تبي تاخذ الفلوس خلي الكيس عندك
لاحظت ميرة ان خالد غاضب جدا وهي تتذكر كيف يصبح عندما يغضب , لذلك اسرعت الى حيث تجلس ام راشد والبنات وهي تشعر بالغضب ,
ميرة.......شو يحسبني هذا انه وحدة من الخايسات اللي يعرفهن
ندى: الحين لج ساعة و بعدين تردين و ايدج فاظية
ميرة: ما لقيت اللي ابيه
اما خالد فكان غاضبا جدا , فهو لا يعرف مالذي قصدته بكلامها , عاد الى حيث يقف جاسم
جاسم: منو هذي , الحب اليديد , بس والله عرفت تختار هذي المرة
خالد: جاسم هذي اخت حرمة اخوي عيب هذا الكلام
جاسم: وانت ليش تييبلها عطورات
وهنا ادرك خالد ان ما عنته ميرة فاذا كان جاسم اعتقد ان ميرة صديقة له لانه ذهب ووقف بجانبها فلابد ان هذا ما عنته ميرة بكلامها ,
خالد: جاسم انا شفتها داخله المحل بروحها وفي اثنين ملاحقينها عسب جذي دخلت عن ياذونها بتعليقاتهم
عاد خالد الى حيث تجلس امه و الفتيات , اما ميرة فكانت تتفادى النظر اليه
خالد: يلا يمى
ركبو السيارة و ظل خالد طوال الطريق صامت وهو يفكر في ما حدث
ريم: خالد اشفيك ليش ساكت
خالد: ما فيني شي
ام راشد: لا يا وليدي انت رحت بحالة و رديت بحالة ثانية عسى ما شر
خالد: جاسم قالي كلام عصبني شوي
ام راشد: عسى ما تزاعلتو بس
خالد: لا يمى بس الظاهر ان كل اللي اسويه ينفهم غلط
كان خالد يوجه رسالة الى ميرة ليفهمها انه لم يقصد ما فهمته
اوصل خالد ميرة و ندى الى منزلهن
في غرفة ميرة
ندى: الحين ابي اعرف شصاير انتي و خالد رحتوا بحالة ورديتو بحالة ثانية
ميرة: شوفي انا كنت بالمحل جان اشوفه يدش و يوقف يمبي و بعدين حاسب انا ما رظيت اخذ الكيس اذا ما اخذ مني الفلوس بس هو ما رظي, جان انا اقله انت منو تحسبني و حدة من هذيل اللي تعرفهم
ندى: غربل الله ابليسج و انت شلج بالريال قوليله ما باخذ و خلاص شله داعي تقولين هذا الكلام
ميرة: ما ادري قلته و خلاص
ندى: علشان جذي الريال رد و هو متظايج
ميرة: ندى خلاص ما ابي اتكلم بالسالفة
ندى: الظاهر ان اللي كنت خايفة منه بيصير
ميرة: شقصدج
ندى: انا قلتلج خالد هذا مالج شغل فيه و طلعيه من تفكيرج
ميرة: انا مب معجبة فيه
ندى: مب علي هذا الكلام انتي ما شفيت عمرج شلون تغير بس شفتيه و لا شلون كنت تتطالعينه و احنا بالمول, ميرة حبيبتي خالد هذا مب راعي عرس اخته تقول عنه جي
لم تعد ميرة تحتمل اكثر فهي معجبة فيه حقا , بدات بالبكاء
ميرة: خلاص الله يخليج ما ابي اتكلم بالموظوع

ندى: انزين خلاص لا تصيحين ميرة حبيبتي و الله انا ابي مصلحتج
ميرة: ندى خلاص كافي

في منزل ابو راشد في غرفة خالد
مريم: الحين انا ابي افهم شو السالفة بينك و بين ندى
خالد: أي سالفة
مريم: الحين تسير هي محل العطورات و ترد بدون جيس و انت ترد ووياك جيس من نفس المحل
خالد: اتصدقين انتي لازم يشغلونج بالشرطة حرام ذكاء مثل ذكائج يروح جي
مريم: خالد عن الطنازة و قولي شوالسالفة
اخبرها خالد عن ما حصل بينه وبين ميرة في المول
مريم: والله ان ميرة هذي بنت سنعة ما شالله عليها
خالد: لا والله وانا شو
مريم: وانت شلك ببنت الناس
خالد: اقولج في شباب ملاحقينها تبيني اتم واقف و اطالعهم
مريم: انزين وليش تدفع عنها
خالد: انا ما ارظى اكون واقف عدالها و هي تدفع
مريم: خالد ميرة هذي غير اللي تعرفهم هذ.......
خالد: انا ابي افهم منو هذيل اللي اعرفهم
مريم: انا اعرف ان انت تعرف بنات
خالد: وميرة تعرف
مريم: اكيد دامنها قالتلك جي
فهم خالد ما قالته ميرة ففكرتها عنه انه شاب سيئ الاخلاق و مستهتر , و لكن كيف يستطيع ان يغير رايها عنه
خالد..........و انا ليش مهتم تغير رايها او ما تغيره اه ياربي شو سوت فيني هذي البنية
في اليوم التالي في شركة الاعلانات الساعة 1:30 ظهرا

كانت مريم تحاول منذ اليوم الذي حذرها فيه عمر من ان تتكلم مع فهد ان تتفادى لقاء فهد او الكلام معه حتى لا تكون السبب في أي مشاكل تحصل له من جانب عمر . ففهد و كما كانت الفتيات تقول لها و كما لاحظت شاب طيب و حسن الاخلاق و مسؤول عن عائلة باكملها وهو لا يحتاج الى مشاكل اضافية
و بيمنا كانت في مكتبها تعمل و لم يكون هناك سواها في المكتب لان البقية ذهبن لتناول الغداء اما هي فبقيت لتنجز ما عليها دخل فهد الى المكتب
فهد: شحالج اخت مريم انشالله بخير
صدمت مريم لرؤيته وتمنت ان يغادر المكتب بسرعة
مريم: بخير الله يسلمك
ثم نظرت الى كبيبوترها للتظاهر بانها مشغولة
فهد: استاذة لطيفة وين
مريم: تتغدى بترد انشالله عقب نص ساعة
فهد: هي كانت تبي مني اشوف جهازها
مريم: انا ما اعرف الباسوورد ليش ما تتريا لين ترد
كانت مريم تحاول قدر الامكان ان لا تبقيه في المكتب خاصة انهما بمفردهما
فهد: لا ما في داعي للباسوورد
جلس على المكتب و بدا يعمل عى الجهاز بعد ربع ساعة من دخول فهد الى المكتب دخل مسؤول شؤون الموظفين خليفة الى المكتب
خليفة: السلام عليكم
فهد و مريم : وعليكم السلام
خليفة: استاذ فهد مب انت نقلوك لقسم البرمجة
فهد: هي بس الاستاذة لطيفة طلبت مني اشوف جهازها
خلبفة: عندنا قسم الصيانة و هذي و ظيفته لو سمحت استاذ فهد استاذ عمر مانع سالفة ان الموظفين يسيرون اقسام غير اقسامهم
عندما سمعت مريم اسم عمر ادركت ان الموضوع لن يمر بسلام و لكنها دعت الله ان لا يتعدى الموضوع لفت

نظر او تحذير بسيط لفهد

بعد ان خرج فهد من المكتب تبعه خليفة الذي اتصل بعمر
خليفة: الموظوع بالنسبة للموظف اللي قلتلي اراقبه
عمر: انا هني بالشركة تعال مكتبي

ذهب خليفة الى مكتب عمر
عمر: شو السالفة
خليفة: وصلني كلام انه بقسم التصميم
عمر بغضب: وين
خليفة: قسم التصميم , جان اروح القسم عسب اتاكد بنفسي و سالته شو تسوي هناك قالي ان استاذة لطيفة طلبت منه يشوف كميبوترها
عمر و هو يحاول ان يسيطر على غضبه: منو كان بالمكتب
فهد: هو و المتدربة و الظاهر ان البقية يتغدون
لم يدرك خليفة ان بكلامه هذا كمن اشعل النار بالفتيل فهو لا يعلم لماذا طلب منه عمر ان يراقب فهد و هو ايضا لا يعلم صلة القرابة بين عمر و مريم
اما عمر فغضبه لا يوصف فهو الان يشعر ان مريم تتحداه
حمد عمر الله ان فهد ليس امامه و الا كان اقتلع راسه
عمر و هو يكاد ينفجر من شدة الغضب و بصوت غاضب اخاف خليفة: هذا اللي اسمه فهد انا ما ابيه بالشركة اليوم تطرده
خلبفة: بس..
عمر: اقولك ما باه اليوم تطرده و الله اذا شفته بالشركة باجر انت اللي بتنطرد
خليفة: استاذ عمر لو.....
عمر: خليفة ما تخليني اسوي شي تندم عليه
و لكن خليفة مصر ان يتكلم
خليفة: لو سمحت سمعني شوي بس
عمر وهو يحاول ان يهديء من اعصابه: تكلم
خليفة: الريال بوه متوفي وهو يصرف على امه واخوانه و الريال شغله ممتاز
قد يكون عمر غاضبا و لكن لن يسمح غضبه ان يفقده انسانيته جلس على كرسيه وهو يحاول ان يهدا و يفكر بهدوء , و بعد مرور 5 دقائق
عمر: ايلس
جلس خليفة الذي لم يرى عمر غاضب بهذا الشكل من قبل رغم انه يعمل معه منذ 5 سنوات
عمر: انزين نقله شركة ثانية
خليفة: وين
عمر: ما ادري وديه شركة العقارات او الاستثمارية ما ادري المهم ما اباه هني
خليفة: انزين
عمر: اليوم و ييبلي قرار النقل اوقعه

الساعة الثالثة في شركة الاعلانات
كانت مريم و العنود و ليلى في المكتب عندما دخلت سلمى من قسم البرمجة الى مكتبهن
سلمى: ما دريتو شصار
ليلى: هلا سلمى خير
سلمى: طردوا فهد من الشركة
اما مريم التي كانت منهمكة بالعمل صدمت بما قالته سلمى و نظرت اليها و هي لا تعرف ما تقول
العنود: انا اليوم شفته شلون طردوه
سلمى: القرار الحين وقعه استاذ عمر
ليلى: وما قالولج ليش طردوه
سلمى: اللي فهمته انهم بغوا ينقوله مكان ثاني و الظاهر انه ما وافق عسب جي قدم استقالته
العنود: و ليش يبون ينقلونه

سلمى: ما ادري بس الظاهر ان السالفة جايدة عسب جي استاذ عمر هو اللي طلع القرار بنفسه وهو الحين بمكتبه هني في الشركة عسب يوقعه
لم تعد مريم تحتمل اكثر , الا يكفي تدخلاته في حياتها و لكن ان يطرد هذا الشاب المسكين دون ذنب فهو ما لن تسكت عليه , ودون ان تسمح لنفسها ان تفكر مرة ثانيه خرجت من المكتب و صعدت بالمصعد الى مكتب عمر الذي سمعت انه في الطابق العاشر و اما ان وصلت هناك حتى بحثت عن مكتب المدير و ما ان راته حتى استجمعت شجاعتها و فتحت الباب دون ان تلتفت لكلام السكريترة و قفت بالباب . كان عمر يجلس على كرسيه خلف المكتب و يكتب و فوجيء بباب مكتبه يفتح و لكنه فوجيء بمن فتح الباب اكثر
عمر و هو مذهول: هلا مريم شحالج
مريم: ابي افهم ليش طردته
عمر: ما اسرع ما وصلتج الاخبار
مريم: ليش طردته
عمر: انا ما طردته انا بغيت انقله شركة ثانيه وهو ما طاع فقدم استقالته
مريم: وليش تبي تنقله هو شو سوى وبعدين وين بتنقله المرفا و لا ام النار
عمر: انا حذرتج و انتي ما سمعتيني
لم تصدق مريم ما تسمعه هل يعقل ان يكون بهذه القسوة
مريم: حرام عليك الريال ما سوى شي و بعدين هو ما يعرف شي عن تحذيراتك
عمر: الظاهر انج وايد مهتمه فيه
وهنا لم تعد مريم تحتمل و من شدة غضبها بدات تبكي
مريم: هيه مهتمه بس مب لاني احبه بس لانه انسان زين تعرف انت شو يعني انسان ما اعتقد , اصلا بينك وبين الانسانيه اميال
صدم عمر لكلام مريم و لم يعرف ما يقول و لكن اكثر ما صدم منه ان يراها تبكي
مريم: ليش ساكت تكلم تدري شلون انا ما بقول غير الله موجود واللي سويته بالريال و اخوانه الايتام بتم ذنب برقبتك
وهمت بالخروج ولكنها التفت عليه و قالت له وعيونها مليئة بالدموع و بنبرة غاضبة: انت اكثر شي اكرهه في حياتي كلها
لم تدرك مريم بان ما قالته لعمر ذبحه , خرجت من مكتبه و اتجهت الى مكتبها اخذت اغراضها و هي لا تنوي العودة الى هذه الشركة مرة ثانية , كانت غاضبة منه و من قسوته و ظلمه و لم تفكر للحظة واحدة في السبب الذي دفعه لفعل ذلك لانها كانت مقتنعة انه شخص ظالم و ما يحركه هو قسوته فقط. ام تفكر للحظة ان الغيرة هي ما دفعته لفعل ذلك.
اما عمر فكان في حالة من الغضب و الحزن بقي واقف في مكانه ينظر في الفراغ و كلماتها تدوي في راسه( انت اكثر شي اكرهه في حياتي) حتى انها لم تصفه بالانسان بل و كانه شيء لا احساس له, للحظة لم يعد قادر ان يقف اكثر , تهاوى على كرسيه وهو يفكر بكلامها

وصلت مريم الى المنزل و اتجهت الى غرفتها دون ان تمر على المجلس لتسلم على خالتها كما كانت تفعل بالعادة
ام راشد: اشفيها مريم و بعدين الساعة الحين 3:30 و دوامها يخلص عالساعة 5
ريم: ما ادري يمى انا بكلمها الحين
ذهبت ريم لغرفة مريم لتجدها جالسة على السرير و هي في عالم اخر
ريم: مريم ليش رديتي من الشركة
مريم: انا ما بسير الشركة
ريم: ليش
مريم: لاني مب قاعدة استفيد خلاص و بعدين انا مليت وتعبت
ريم: مريم انتي متاكدة ان هذا السبب
مريم: هي متاكدة
لم ترغب مريم ان تخبر ريم عن ما حصل لانها سترى ان ما يفعله عمر صحيح بالاضافة انها لا تريد ان تبدو امامهم كما و انها تريد ان تشوه صورة عمر امامهم, لن يصدقها احد فالكل يراه كشخص لا يخطيء.

في مكتب عمر في شركة الاعلانات الساعة 10 مساءا
عمر ما زال في مكتبه منذ خرجت مريم منه
رن هاتفه و كان المتصل احمد

عمر: الواحمد: انت وينك في مب احنا متفقين تي عنديالبيتعمر: احمد تعالي الشركةاحمد و قد لاحظ من صوته ان عمر ليس على مايرام: انت شفيكعمر: احمد تعال انا مب قادر اسوق تعالاحمد: انزين 10 دقايقبكون عندكالساعة العاشرة و الربع في مكتب عمردخل احمد المكتب ليجد عمرعلى مكتبه و هو يبدو متعبااحمد: عمر انت مريظعمر: هي مريظ مريظ هنيواشار عمر بيده الى قلبهاحمد: تحبعمر: اه يا احمد شقول بس خلي الليبالقلب بالقلباحمد: بالقلب لا ما صدق السالفة فيها حبعمر: هي يا احمد انااحب و تدري من متى من خمس سنواتاحمد وهو غير مصدق: خمس سنوات و انا ماادريعمر: ولا أي انسان اه يا احمد تعبت و الله تعبتاحمد: انا مب مصدق وشلون قدرت تخبي و علي انا بالذات عمري ما توقعت اتك تحبعمر: ليشاحمد: يعنياحسك جي.......
عمر: ما عندي مشاعراحمد: لا مب جي بس انت ما تبين, ومنو هذيانا اعرفهاعمر: مريماحمد: منو مريم .....مريم بنت بو راشدعمر: هياحمد: تحبها من خمس سنوات هي الحين كم عمرهاعمر: 21احمد: يعني انتتحبها من هي 16 سنهعمر: اذكر يو م حسيت اني احبها جنه اليوم , قعدت اربع سنواتما شفتها لاني مثل ما انت عارف كنت ادرس برع و كنت ايي هني في نص السنه و اخر السنهبس ما كنت اشوفها عسب هي كانت تسافر بنص السنه مع امها و باخر السنه مع عمي بوراشدو لما رديت الامارات عقب ما خلصت كان عمري 25 و هي 16 ييت اسلم على خالتي عقب مارديت و لما دشيت البيت سرت المجلس وهناك شفتها ما ادري شصار فيني , قعدت اطالعها وهي ما كنت منتبهة اول شي ما عرفتها لان اخر مرة انا شفتها كانت 12 سنه , بس بعدينعرفتها هي مريم , و لما هي شافتني ارتبكت و قعدت اطالعني كنت احسها تخاف مني . منذاك اليوم ما ادري شصار فيني اول شي كرهت عمري شلون قاعد احب وحدة ياهل حاولت انيما اشوفها بس ما قدرت , كنت بس ادري انها في بيت ابوها كنت ايي عندهم عسب اشوفها بسكنت احسها هي تحاول انها ما تكلمني

كان احمد يستمع لعمر وهو لا يصدق ما يسمع فاخر شي توقعه ان يكون عمر مغرم ومنذ 5 سنوات
احمد: انزين انت ليش ما كلمتها
عمر: اقولك تخاف مني و اليوم قالتلي انها تكرهني
احمد: تكرهك
عمر: هي انا اكثر شي تكره بحياتها
احمد: عمر و ليش تكرهك

» لو اتصلت على موبايل مغلق شو حيكون الرد...
» هذه القصة يقال أنها حقيقية وقد حدثت في منطقة القصيم في السعو